اتخرجت من كلية علمية ودراستي كانت كلها كيمياء لكن من وأنا طفلة وأنا بحب ال Art والألوان والرسم ونفسي ادخل فنون جميلة لكن ماتوفقتش
فكانت نقطة التحول بالنسبة لي بعد التخرج إني درست الجرافيك والتصميم والطباعة ووصلت ل Art Director لحد ما لقيت شغفي الحقيقي بإني أصمم بس للبراند بتاعي واطلع منتج ملموس من تصميمي
لحد ما حسيت إني نفسي اعمل تصميمات more catchy وطلعت ب Bookmarks بتصميمات تحفة أنا شخصيا واقعة في حبها خصوصا أني من عشاق القراءة حتي لو مش عندي وقت ليها بس بحبها وبحب الكتب وكان عندي مشكلة دايما مع الشريط الستان اللي بيدوب وبيفك أو أني استخدم كارت أو ورقة عشان اعلم الصفحة اللي وقفت عندها وكانت للأسف من الحاجات اللي بتكسلني عن القراية
اهتميت بأشهر أغاني المطربين اللي كلنا بنحبهم زي فيروز وعبد الحليم وأم كلثوم وعبد الوهاب ومحمد فوزي
وكمان اشهر افيهات ممثلين الأبيض واسودّ اللي تقريبا كلنا حافظينها زي عبد الفتاح القصري وعبد السلام النابلسي وبكيزة وزغلول
وكمان شخصيات رمضان والليلة الكبيرة وأشهر الكُتّاب والشعراء
Maker Story