أنا أمنية رؤوف عندي ٣٢ سنة و أم لطفلين و صاحبة براند نولى حابة احكيلكو قصتي❤️
أنا طول عمري بحب الكتابة و خصوصا كتابة السيناريو و بعد محاولات سنين اني اوصل لحاجة موصلتش لأي حاجة فدخلت في اكتئاب و احساس فظيع بالفشل و قررت اني عاوزة اهرب من التفكير في أي حاجة تسحلني و ابتديت اركز في ديكور البيت فكنت عاوزة اجيب سجادة و شوفت سجادة كليم خلتني اعشق الكليم فقررت اني عاوزة اتعلم الكليم بس مالقتش كورس يعلمني فقولت خلاص هعمل نفسي من اليوتيوب و الانستجرام و كانت أول مشكلة اني مش عارفة اشتري نول لحد ما لقيت واحد اون لاين بس للاسف وصلي مكسور بس ولا همني و لزقته بالسوليتب و لأني كنت بتعلم من أجانب ع اليوتيوب فكانوا بيشتغلو بأدوات مش موجودة هنا فاخدت مبرد اظافر خشب و لزقته بالسوليتب و اشتغلت بيه و طلعت اول قطعة كليم و أنا من ساعتها صوت الخيوط و هي داخلة في بعض بيعملي راحة نفسية و ساعتها قررت لأول مرة اني لو فكرت اعمل مشروع هسميه نولي عشان النول هو اللي خلاني اتصالح مع نفسي و اكتشفها من جديد بس ساعتها قعدت افكر أيه المشروع اللي ممكن اعمله يشبعني من جوايا يخليني احس اني راضية عن نفسي و اقدر أخرج فيه كل طاقتي لحد ما شوفت بنت أجنبية بتعمل شنط بالكليم و أنا حبيت اوي الفكرة و حبيت فكرة أن يبقى عندي براند شنط على الرغم من أن عمري ما كنت البنت اللي بتهتم بالشنط و مركاتها و موضتها بس انا حسيت أن ده اللي هيوصلني نفسيا للي أنا محتجاه و زي ما هي متعة بالنسبالي أخلق شخصيات من دماغي فهي متعة باردو اني أخلق ديزاين من دماغي و زي ما كان نفسي اآثر في نفسية الناس بالايجاب من خلال اللي بكتبه فممكن باردو اآثر في نفسية بنات كتير و ابسطهم لما يلبسو شنطة مريحة أو مختلفة أو لما تخرج بيها و حد يقولها شنطتك شكلها حلو❤️، بس اول ما ابتديت مشروعي كان في حد بيساعدني أنه يقفلي شغلي بس لكذا سبب قررت من فترة بسيطة اني لازم اعتمد على نفسي و اعمل شغلي كله بنفسي كان خوف و تحدي اني اخد الخطوة دي خصوصا اللي حوالية كانو خايفين اني ادبس نفسي في مكنة و معرفش استخدمها لأني عمري ما اتعاملت مع مكن بس أنا قررت اني لازم اتحدى نفسي و اني اقدر أعلم نفسي من اليوتيوب زي ماعلمت نفسي الكليم و الكروشيه قبل كدا و فعلا جبتها و بعلم نفسي و ده جزء من الحاجات اللي عملتها و بقيت حاسة بثقة بجد و أنا بكتب hand made و بقيت حاسة بمتعة اكتر و أنا بصنع شيئ من اول لآخره و بصراحة مبسوطة بنفسي اني بكتشف فيها حاجة جديدة و اكتر حاجة بساطتني لما ابني قالي انتي احسن واحدة بتعمل شنط😂❤️
بس أنا حابة اقول اكتر حاجة اتعلمتها من الموضوع ده أن كل واحد فينا جواه قوة و قدرة هو ممكن مش عارفها بس عشان يوصلها لازم يثق في نفسه و يصدقها❤️
و حقيقي أنا لو كان حد من سنتين قالي انتي هيبقى عندك براند شنط و تشتغلي بأيدك أنا عمري ما كنت هصدقه😅
Maker Story
أنا طول عمري بحب الكتابة و خصوصا كتابة السيناريو و بعد محاولات سنين اني اوصل لحاجة موصلتش لأي حاجة فدخلت في اكتئاب و احساس فظيع بالفشل و قررت اني عاوزة اهرب من التفكير في أي حاجة تسحلني و ابتديت اركز في ديكور البيت فكنت عاوزة اجيب سجادة و شوفت سجادة كليم خلتني اعشق الكليم فقررت اني عاوزة اتعلم الكليم بس مالقتش كورس يعلمني فقولت خلاص هعمل نفسي من اليوتيوب و الانستجرام و كانت أول مشكلة اني مش عارفة اشتري نول لحد ما لقيت واحد اون لاين بس للاسف وصلي مكسور بس ولا همني و لزقته بالسوليتب و لأني كنت بتعلم من أجانب ع اليوتيوب فكانوا بيشتغلو بأدوات مش موجودة هنا فاخدت مبرد اظافر خشب و لزقته بالسوليتب و اشتغلت بيه و طلعت اول قطعة كليم و أنا من ساعتها صوت الخيوط و هي داخلة في بعض بيعملي راحة نفسية و ساعتها قررت لأول مرة اني لو فكرت اعمل مشروع هسميه نولي عشان النول هو اللي خلاني اتصالح مع نفسي و اكتشفها من جديد بس ساعتها قعدت افكر أيه المشروع اللي ممكن اعمله يشبعني من جوايا يخليني احس اني راضية عن نفسي و اقدر أخرج فيه كل طاقتي لحد ما شوفت بنت أجنبية بتعمل شنط بالكليم و أنا حبيت اوي الفكرة و حبيت فكرة أن يبقى عندي براند شنط على الرغم من أن عمري ما كنت البنت اللي بتهتم بالشنط و مركاتها و موضتها بس انا حسيت أن ده اللي هيوصلني نفسيا للي أنا محتجاه و زي ما هي متعة بالنسبالي أخلق شخصيات من دماغي فهي متعة باردو اني أخلق ديزاين من دماغي و زي ما كان نفسي اآثر في نفسية الناس بالايجاب من خلال اللي بكتبه فممكن باردو اآثر في نفسية بنات كتير و ابسطهم لما يلبسو شنطة مريحة أو مختلفة أو لما تخرج بيها و حد يقولها شنطتك شكلها حلو❤️، بس اول ما ابتديت مشروعي كان في حد بيساعدني أنه يقفلي شغلي بس لكذا سبب قررت من فترة بسيطة اني لازم اعتمد على نفسي و اعمل شغلي كله بنفسي كان خوف و تحدي اني اخد الخطوة دي خصوصا اللي حوالية كانو خايفين اني ادبس نفسي في مكنة و معرفش استخدمها لأني عمري ما اتعاملت مع مكن بس أنا قررت اني لازم اتحدى نفسي و اني اقدر أعلم نفسي من اليوتيوب زي ماعلمت نفسي الكليم و الكروشيه قبل كدا و فعلا جبتها و بعلم نفسي و ده جزء من الحاجات اللي عملتها و بقيت حاسة بثقة بجد و أنا بكتب hand made و بقيت حاسة بمتعة اكتر و أنا بصنع شيئ من اول لآخره و بصراحة مبسوطة بنفسي اني بكتشف فيها حاجة جديدة و اكتر حاجة بساطتني لما ابني قالي انتي احسن واحدة بتعمل شنط😂❤️
بس أنا حابة اقول اكتر حاجة اتعلمتها من الموضوع ده أن كل واحد فينا جواه قوة و قدرة هو ممكن مش عارفها بس عشان يوصلها لازم يثق في نفسه و يصدقها❤️
و حقيقي أنا لو كان حد من سنتين قالي انتي هيبقى عندك براند شنط و تشتغلي بأيدك أنا عمري ما كنت هصدقه😅