Vendor Biography

أنا آية فوزي، خريجة كلية العلوم قسم الجيولوجيا وحاليا طالبة ماجستير في نفس التخصص، وحبي لتخصص زي الجيولوجيا بالذات خلاني شوفت تنمر كتير بتتعرضله البنات في تخصصنا تحت مسمى (القسم بتاعنا مفيهاش بنات- بنات جيولوجيا بشنب- دول ميعرفوش يبقوا زي البنات.. الخ) وكان المبرر ورا كل ده أنهم شايفين القسم ذكوري ومفيهوش حاجة Feminine
لما اتخرجت قررت أبدأ بزنس to get the beauty out of the rocks .. فكرة جيوليري كانت عمل منتجات خارجة من مكونات الأرض وقلب الصخور عشان توضح جمال الطبيعة وعشان تفيد جسم الانسان .. الجاليري له كذا collection lines زي ( home decorations, skincare products, accessories, clothes .. etc) وكلهم بيربطهم concept واحد اننا نستخدم ال Earth components وال earth inspired patterns في منتجاتنا
تاني لاين بدأناه هو منتجات الشموع الطبيعية وده كان تحدي كبير بالنسبالنا عشان صعوبة اننا نلاقي المواد الخام زي شمع الصويا النقي وزي اننا نطلع حاجة بنفس كواليتي البراندات الكبيرة عشان نكون بديل محلي للبنات اللي عايزة شموع معطرة للجهاز وغيره

الشموع بتاعتنا من شمع الصويا والكريستالات والأحجار الطبيعية وخالية تماما من البرافين والمواد البترولية المضرة بالتالي آمن تماما على الحوامل والأطفال ومرضى أمراض الصدر والتنفس
ده غير اننا عاملين نوع شمع طارد للناموس والحشرات بدون أي كيماويات ويعتبر best seller لينا لأنه بربع سعر المتاح في السوق