Vendor Biography

هوايه اتحولت لمهنه ..دايما بقول كده عن شغلى . اجمل حاجه فى الدنيا ان احنا نشتغل اكتر حاجه بنحبها و نساعد غيرنا انه يهادى اللى بيحبهم بهديه هاندميد اتعملت بكل تفاصيلها عشان اللى بنحبهم .. اتعلمت الكروشيه بعد الجامعه علطول لكن لما قررت ابدأ البيزنس بتاعى حاولت اتميز فيه و اتخصص فى الشنط بس المره دى مش اى شنط ،قررت اتخصص فى فن التابيسترى. بلد المنشأ قرية فى كولومبيا و انا ادمنت الفن ده لما اتعلمته و عشقت تفاصيله . فن جميل بكل تفاصيله من اول الرسومات و الالوان و شكل الشنطه ..بحاول انفذ تصميمات جديده لان الفن ده  اغلبه للشنط mochila bag او مخله بالعربى لانها شكل المخله لكن انا عملت منها الشكل المستطيل و الدائرى كمان دايما بنستخدم الخيوط القطن بس انا استعملت خيط الخيش و الجلود مع الشنطه عشان تكون شكلها مختلف.. الشنطه ممكن تتعمل  فى تلات اسابيع لان تفاصيلها مهمه ..عملت شنط تانيه بس كنت دايما بلف الف و ارجع للتابيسترى ❤️