Vendor Biography

  1. This is Nehal the founder of Deja Scarf, my newly born project that I dreamed about since I was a little girl قصتي طويله شويه بس معلش استحملوني محتاجه احكيها من الأول طول عمري بحب الألوان والديزاين وبحب ال crafts ونفسي اشتغل فيهم. بس بابا الله يرحمه كان مهندس و عايز ولاده يبقوا مهندسين زيه ولما توفى وأنا لسة ١٤ سنة قررت أدخل هندسة وأحقق اللي كان عايزه واتخرجت وبقيت مهندسة وكنت شاطرة وعملت خبرة كويسة ٧ سنين واتجوزت وخلفت وجبت بنتي الكبيرة “خديجة” ديجا جت الدنيا محتاجة حاجات مختلفة عن الأطفال واكتر بكتير وبقت هي محور حياتي اضطريت اسيب شغلي و قدمت استقالتي عشان مقصرش معاها … ٧ سنين قضيتهم بنفذ كل حرف الدكاتره بيقولوا عشان تبقى احسن. من سنتين درست علاج جديد ل بنتي و بقيت انا اللي بشتغل معاها جلسات في البيت تحت اشراف دكتور فى وسط كل ده حسيت اني نسيت نفسي خالص و تعبت اوي نفسيا و لازم اعمل حاجه بحبها اخرج بيها كل الطاقه السلبيه اللي بتبقى جوايا عشان اقدر اكمل .. فكرت كتير و لقيت نفسي عندي امنيه من زمان اني اتعلم التفصيل … ناس كتير قعدت تقولي ارحمي نفسك و بتسحلي نفسك و هتجيبي وقت منان و لازم تصفي ذهنك عشان دراستك ل علاج خديجه اللي كانت خلاص هتبدأ و كده هتشتتي نفسك بس كل واحد لازم يعرف علاج نفسه و يدور عليه و انا كنت عارفه ان ده علاجي اخدت كورس خياطه و كنت بروح الكورس نايمه ساعتين او تلاته بسهر طول الليل على الماكينه و برسم باترونات عشان معنديش وقت خالص طول اليوم خلصت كورس الخياطه قبل ما ابدا كورس علاج بنتي ب اسبوع واحد بس و كما توقعت الحمد الله الموضوع فرق في نفسيتي جدا فعلا و ابتدى عشقى للقماش ممكن احط قماشه قدامي و اقعد احب فيها  حاجه كده جنان .. اصحابي دايما يقولولي اعمل مشروع و انتي موهوبه لاني الحمد الله بعمل حاجات محدش يعرف انها تفصيل خالص ..بس طبعا ده مشروع محتاج تفرغ جدا مكنش ينفع نهائي مع ظروفي … فكرت تاني بردوا انا اصلا بحب الالوان و الرسم و بمووووووت في الايشاربات و اقتناعي انها اهم قطعه في لبس اي بنت محجبه و من هنا بدأت اتعلم الفوتشوب لوحدي و بدات اعمل تصميمات و بدات اول مشروع ليا اخيرا هو براند ايشاربات بتصميماتي انا . حلمي كل بنت تحب الحجاب و تقتنع انها اكيد بشعرها احلى لكن ب ايشارب مميز ممكن تكون زي القمر بردوا و في نفس الوقت ترضي ربنا طبعا انتوا عرفتوا ليه اسم البراند بتاعي Deja عشان كل حياتي اتغيرت عشانها.